##about.aboutContext##
Ҳурматли ўқувчилар ва муаллифлар !
“Физика ва технологик таълим” журнали Жиззах давлат педагогика институти негизида 2020 йилда ташкил топган бўлиб, физика, астрономия, технологик таълим, профессионал таълим муаммоларига бағишланган. Журнал илмий тадқиқот ишларининг асосий натижаларини эълон қилиниши керак бўлган илмий журналлардан ҳисобланади. Журналда асосан, мустақил тадқиқотчилар, докторантлар, фалсафа докторлиги (PhD)га номзодлар диссертацияси, фан докторлиги даражасидаги илмий изланишларга доир мақолалар нашр этилади.
“Физика ва технологик таълим” журналининг вазифаси – бу муаллифлар ва китобхонлар ўртасида илмий ҳамкорлик учун самарали платформани яратишдир. “Физика ва технологик таълим” илмий журналида қуйидаги йўналишлар бўйича мақолалар нашр этилади: 1.Физика, Астрономия, Технологик таълим, Профессионал таълимнинг долзарб масалалари.
- Физика ва Технологик таълимда илмий тадқиқотлар самарадорлиги.
- Олий таълим, умумий ўрта таълим, профессионал таълимда Физика, Астрономия, Технологик таълим фанларини ўқитишда инновацион ёндошувлар.
Журналда иқтидорли талабалар, магистрантлар, докторантлар, тадқиқотчи–ўқитувчилар ва бошқа илмий фаолият билан шуғулланувчи педагогик ходимларнинг илмий мақолалари нашр этилади.
Журналнинг асосий мақсади ўзбек ва хорижий тадқиқотчиларнинг фундаментал ва амалий аҳамиятга молик бўлган илмий ютуқларини акс эттириш орқали физика ва технологик таълим соҳасидаги илм–фан ривожланишига кўмаклашишдан иборатдир. Нашр қилиш ўзбек, рус ва инглиз тилларида амалга оширилади. Нашр этиш режаси – уч ойда бир марта (йилига 4 марта)
